Qamişlo û Çilaxa de bi beşdarîya bi seyan kesan adirê Newroze ame tavistene. Koordînasyonê Kongreya Starî dîyar kerd ke ê do Newroza 2024î bikerê serra pûçkerdişê komployî û azadîya Rayberê Şarê Kurdî Abdullah Ocalanî.
Qamişlo û Çilaxa de bi beşdarîya bi seyan kesan adirê Newroze ame tavistene.
Qamişlo de Parka Helebçe de adirê Newroze bi fotografê Rayberê Şarê Kurdî ame tavistene. Şarî bi sloganê Bijî Serok Apo” û “Newroz pîroz be” dormeyê adirî de govende girewte. Endama Koordînasyonê Kongreya Starî Remzîye Mihemed dîyar kerd ke ê do Newroza 2024î bikerê serra pûçkerdişê komployî û azadîya Rayberê Şarê Kurdî Abdullah Ocalanî.
Çilaxa de verê Komunê Şehîd Hemrîn de Newroze ameye fîrazkerdene. Endamê Komunî Husam Hisênî tîya de Newroza her kesî fîraz kerde. Keyeyanê şehîdan adirê Newroze vist ta û dormeyê adirî de girseyî govende girewte.
