Rîsipîyanê eşîra Al Tûhafhîayn Mûhammed Ahmed El Elîyî derheqê gefanê dewleta tirke yê serê Rojawanî de ANFyî rê qisey kerd.

Mûhammed Ehmed El Elîyî dîyar kerd ke dewleta tirke destpêke ra nata paştî dana cerganê Sûrîye û vat: ''Dima ke Baxoz îşxalî ra ame xelisnayene, dewleta tirke bin kewte. Coka cergê xo şawitê Efrîn û Serêkanîyê. Nê cergî endamê DAÎŞî bîyî. Têna nameyê înan vurîya. Dewleta tirke herême dana bombayan ver la Neteweyê Yewbîyayeyî vera ney bêveng ê. Dewletê erebî zî bi temamî bêveng ê. Têna QSD herême paweno.

QSDyî Qamişloyî ra heta Baxozî erdê ma kerd azad. Ez venga şaranê Sûrîye dana ke vera îşxalî bibê yew, nakokîyanê mîyanê xo war verdê, vera dewleta tirke pîya têbigêrê. Domanê nê erdî hetê dewleta tirke ra sey cergan dîyenê.''

Mûhammed Ahmed El Elîyî da zanayene ke ê do vera hêrişan xo bipawê û vat: ''Ganî şarê Rojawanî xo prosesê şerî rê amade bikerê. Ma vera tirkan nîyê, ma vera rejîmê tirkan ê. Pêro hêrişanê vera herême de engiştê dewleta tirke est ê. Nê hêrişî vera pêro Sûrîye yê. Ganî hemwelatîyê Sûrîye bi rûmetî xo bipawê. Dewleta tirke bi bahaneya PKKyî hêriş kena. La hedefê ci pêro şarê Sûrîye yê. Sey eşîrî ma vera hêrişan hetê QSDyî de têbigêrê.''