Amed  û Wan û bajaranê bînan ê Vakurê Kurdîstanî  serkêşîya KESK, DÎSK, TMMOB bi şîarê ''Ma semedê azadîya kede û komelê demokratîkî 1ê Gulane de meydanan de yê mîtîng de ame kerdene.

Amed de Hemserekê Pêroyî yê DEM Partî Tuncer Bakirhan û Hemserekê Pêroyî yê KESKî Ahmet Karagoz zî tede bi hezaran kesê ke verê Ofîse Mehsulanê Herre de ameyî têhet bi slogananê “Bijî yek Gûlan”, “Bijî berxwedana ketkeran”, “Jin, jiyan, azadî”, “Be serok jiyan nabe, “Bijî serok Apo” ver bi  Meydanê Îstasyonî rayra şiyî. Rayraşîyayîş de yew fekî ra marşa Çarxa Şoreşe ameye vatene.

Hemserekê Pêroyî yê KESKî Ahmet Karagozî bale ante vengdayîşê haştîye ser û vat: '' Ma do çirey destur medê ke prosesê haştîye bêro peydeeştene. Eke haştîye bêro na herre, bare karkeran û kedkaran zî bêno şenik. Coka ma vanê ke haştîye cade nika. Ma haştîye wazenê, wa  şarî pîya mîyanê haştîye de biciwîyê. Domanê ma wa vêşan meşorê mekteb û ziwanê dayîke de perwerde bivînê. Pereyo ke dîyeno SÎHAyan wa semedê xizmetê şarî bêro şuxulnayene.''

Wan de zî bi hezaran kesê ke  Parka Musa Anterî de ameyî têhet Roşanê 1ê Gulane pîroz kerd.

Hemsereka Pêroyî ya DBPyî Çîgdeme Kiliçgun Uçara ke tîya de qisey kerd nê vatî: ''Nê welatî de şar vêşan o. Çunke ekonomîya nê welatî semedî şerî yena xerckerdene. Rîye poltîkaya şerî ra nê welatî de hendê krîzî est ê.  Her roje Kurdîstan û Tirkîya de 4 karkerî dinyaya xo bedilnenê. Vengdayîşê Birêz Ocalanî semedê şaran, kedkaran, cinîyan û ciwanan o. Komelo demokratîk pê karker û kedkaran yeno ronayene. Nika ma veng û têkoşînê xo bikerê yew, wextê ronayîşê welatê demokratîkî yo. Ez 1ê Gulane  Birêz Ocalanî ke semedê haştîye keda tewr pîle daye û embazanê ci rê pîroz kena.''

Reyna Dêsrim, Çewlîg, Êlih, Erzingan, Xapêt,Sêrt, Mêrdîn,Şirnex, Semsûr, Dîlok, Colamêrg, Agirî, Qers û Îdir de zî 1ê Gulane ame pîrozkerdene. Qiseykerdişan de vengdayîşê Rayber Apoyî ame wayîverjîyayene û mesajê xurtkerdişê têkoşînî ameyî dayene.