Heyetê Konfederasyonê Sendîkayanê Karkeran ê Şorişgêrî (DÎSK) rixmê qedexe û ablûqaya polîsan de bi wesîleya 1ê Gulane Roşanê Karker û Kedkaran verê Peykerê Komare yê Taksîmî de çelengê xo naro.

Sereka DÎSKî Arzu Çerkezoglu û endamanê sendîka verê Sersefîrîya Almanya ra bi sloganan ver bi Meydanê Taksîmî rayraşîyayîş kerd.

Heyetî dima ke çeleng verê peykerî de naro û Arzu Çerkesoglu vist vîrî ke Meydanê Taksîmî meydanê 1ê Gulane yo û vat: ‘’Ma bi serran kerd ke Taksîm azad bibo. Ma do bêveng nêbê û têkoşînê xo rê dewam bikerê.’’

Arzuye pare kerd Tirkîya kewta ê halî ke teqawutbîyayeyî neçare manenê ke bixebitê û venga pêro kesan da ke Kadikoy de tewrê mîtîngê 1ê Gulane bibê.