Amed rixmê qedexe û hêrişan payan ser o

Amed de polîsan reyna hêrişê protestoyê xespkerdişê Şaredarîya Bajarê Pîlî ya Amedî kerd. Kitle ver bi parkê Koşûyolû rayra şino. Walîtîye çalakîye qedexe kerdî.

Amed vera xespkerdişê şaredarîyanê ê Amed, Merdîn û Wanî payan ser o. Rixmê hêrişanê polîsan protestoyî dewam kenê. Walîtîye çalakîye qedexe kerdî.

Semtê Ofîsî yê Amedî de bi seyan kesanê ke pîya bi parlamenterê HDPyî ameyî têhet û hêrişê dewlete yê vera Kurdan proteso kenê raştê hêrişê polîsan ameyî. Dimayê hêrişî kîtleyî verê xo da Parkê Koşûyolû. Hetê bînî ra walîtîye seba 15 rojan çalakî û aktîvîteyî qedexe kerdî. Rixmê qedexe û hêrişan şarê Amedî xover dano.