Goreyê xebera Associated Press (AP), Amerîka vera di komanê cergan ê bi nameyê Tûgaya Suleyman Şahî û Tumena Hamzayî ambargo na ro ke nê komî Rojawanê Kurdîstanî de sûcanê giranan kenê. Mesuldarê nê koman Mûhammed Huseyîn el Casim, Velîd Huseyîn el Casim û Seyf Boûlad Ebû Bekir zî kewtî mîyanê ambargoyî.

Ofîsê Kontrolkerdişê Estbîyayîşanê Xerîban ê Wezîrîya Xezîna ya Amerîka dîyar kerd ke nê komî bi zorî şarî koçber kenê, merdiman remnenê, fîdye wazenê, dest nanê malê şarî ser û merdiman ra pê zorî pere gênê. 

Nê wird komê cergan Rojawanê Kurdîstanî de bi destekê dewleta tirke ya îşxalkere têgêrenê.