Konvoyê leşkerî  yê 20 wesîyitan yê  dewleta tirke ya îşxalkere bêrê sînorî yê Eyn Beyda ra  ver bi  baregehanê leşkerî yê  Sehil El Xabî yê Îdlîbî kewt rayîr. Konvoy de malzemeyo leşkerî û lojîstîk, ekîpmanê tibî û leşkerî  est ê.

Keyeyê Çimdarî yê Heqanê Merdiman ê Sûrîye  (SOHR) da eşnawitene ke artêşa tirke ver bi baregehanê xo yê leşkerî yê Îdlîbî sewqîyatê girdî kena û vat: ''Sewqîyato ke bêrê sînorî yê Bab El Hewa ra ame kerdene 75î ra zafêr tanq, wesayîtê leşkerî  û kamyonê ke malzemeyê leşkerî û lojîstîkî kirişenî.''

SOHRî da zanayene ke 24 saetanê peyênan de di konvoyê leşkerî yê cîyayî yê Tirkîya berê sînorî yê Bab El Hewa ra ravîyartî Sûrîya û vat: ''Nê konvoyan ra yewî de 15 wesayîtê ke çekan kirişenê û leşkeran ra yeno pê, reyna wesayîtê MÎTî zî tede est ê.''

SOHRî vat Tirkîya wazena bi nê sewqîyatî baregehanê xo yê Îdlîbî xurtêr bikero.

Pîya bi nê falîyetanê artêşa tirke hêrişê hêzanê ke pabesteyê hukmatê Şamî yê ver bi ''herêma ke ameye bêçekkerdene'' dewam kenê. Reyna mabênê Anqara û Şamî de cehdkerdişê dîyalogî zî dewam keno.