Artêşa Tirkî ya îşxalkare û çeteyê aye roja ke Efrîn îşxal kerdo ra nata qirkerdişê xoza domnena. Îşxalkarî daranê herême vêşnenê û daranê ke birnenê zî şirawenê bi Tirkîya.

Çeteyan bi nameyê Tûgaya 112’ine û Tûgaya 3’ine darê zeytûnî yê Mabata vêşnayî. Çimeyanê herêmkîyan da zanayene ke Mabata de nizdê hezar darî bîyê welî û Şera de zî xeylî darî ameyê vêşnayene.

Ame zanayene ke dewa Xazyenê ya Mabata de zî 5 hezar darî hetê çeteyan ra ameyê birnayene. Artêşa Tirkî ya îşxalkare û çeteyê aye roja ke Efrîn îşxal kerdo ra heta bi ewro 14 hezar hektarî erd û bi hezaran darê mêweyan vêşnayê û dest dayê serê mehsulanê şarî.