Awbendê Tişrînî de vera hêrişanê dewleta tirke ya îşxalkere û çeteyanê ci xoverdayîşê şerwananê QSD û YPJyî dewam keno. Şar zî seba pawitişê awbendî çalakîya nobete keno. 

Şerwananê Awbendê Tişrînî ra Agirî Til Temiro ke ereb o, ajansê ma rê qalê xoverdayîşî kerd.

Agirî Til Temirî vat: ''Ma nika Awbendê Tişrînî de yê. Çunke ganî ma herêmanê xo dewleta tirke û çeteyanê aye ra bipawê. Seba ke sey Efrîn û Serêkanîyê tîya zî nêro îşalkerdene ma xo ver danê. Ma dişmenê xo rê vanê ke ma do Awbendê Tişrînî nêteriknê. Heta ke ma est bê, do xo ver bidê. Ma sey kurd, ereb, sûryan, asûr û tirkmenan têkoşînêkê hemparî kenê. Heta ke ma est ê ma do xo ver bidê. Ma seba way û biratîye, seba yewîya şaran xo şer kenê.

Ez 12 serrî yo mîyanê Hêzanê Pawitişî de cagêna. Xoverdayîşanê Serdem û Rûmetî de Dêra Zorê de operasyonanê vera çeteyanê DAÎŞî de mi cagirewt. Nika zî seba pawitişê şarî û herêma ma ez Awbendê Tişrînî de şer kena. Her dewa Rojawanî ra şar tewrê nê xoverdayîşî bi. Ez nînan fîraz kena.''