Hêrişê dewleta tirke ya îşxalkere û çeteyanê ci vera Awbendê Tişrînî û herêmanê Rojawanî yê bînan dewam kenê.

Şerwanê QSDyî Bawer Efrîno ke xoverdayîşê Awbendê Tişrînî de cagêno, derheqê şerê nikayênî de qisey kerd. Efrînî da zanayene ke 2 mengî yo şerwanê QSD/YPJyî û şarê Rojawanî xoverdayîşêkê bêhempayî kenê. 

Efrînî vat: ''Embazanê ma yê şehîdan cewab da hêrişan û xoverdayîş pîlêr kerd. Xêrê bedelanê şehîdanê ma ra xoverdayîşê Tişrînî hendê dewam keno. Şarê ma bi ruhêkê fedayî destek dano hêzê pawitişî û şerwananê ma.

Dewleta tirke bi teyara, tank û obusanê xo hêriş kena û wazena îradeyê şarê ma bişikna. Wazena şarê ma bida koçkerdene. Rixmê nê pêro hêrişan zî şarê ma îradeyê xo ra fek vera nêdano û wayîrê şerwananê xo vejîyeno. Roja yewine ra nata armancê hêrişanê dewleta tirke şiknayîşê îradeyî yo. La îradeyê ma zî teknîkê înan ra pîlêr o. Heta ke qesasê şehîdanê xo bigêrê ma do xo ver bidê.''