Şerwanê Hêzanê Sûrîyeya Demokratîke (QSD) xebata hewilnayîşê çeteyanê DAÎŞ'î û keyeyanê înan ê ke Baxoz de rê dewam kenê. Şanê 4’ê Adare ra nata nêzdîyê 9 hezar kesî dewe ra ameyî hewilnayene.

Seba hewilnayîşê sîvîlanê ke herême de mendê û keyeyanê çeteyanê çeteyêkê teslîm biyê, QSD'yî 9'ê Sibate de mabên da operasyonî û dest bi xebata hewilnayîşî kerd.

9'ê Sibate ra heta 1'ê Adare 10 hezar kesî ra zêdeyî herême ra ameyî vetene. QSD’yî vera  çeteyanê DAÎŞ'î û keyeyê înan ê ke  zafê înan xerîbî û teslîm nêbenê, 1'ê Adare saete 18 de hîrê hetan ra herême de dest bi operasyonî kerd. Operasyono ke şerêko giran qewimîyayo de, seba çeteyan ê ke bado qebûl kerdo ke teslîm bibê, hetêkê operasyonî ame vindertene û  korîdorêkê hewilnayîşî ame akerdene.

Şanê 4’ê Adare ra nata nêzdîyê 9 hezar DAÎŞ’î nê korîdorî ra vejîyayî û ameyî tehlîyekerdene. Zafêrî nê kesanê ke ameyê tehlîyekerdene xerîb ê. Ê yê ke korîdorî ra yenê derbazkerdene, verê nuqtayanê kontrolî de yenê kontrolkerdene, sehnayîşî ra dima werd û şimitiş înan yeno dayene û dima zî bi wesayîtan herêma şerî ra yenê şawitene.