Şehba de vera tecrîdê serê Rayberê Şarê Kurdî Abdullah Ocalanî serkêşîya Mayanê Haştîye de rayraşîyayîşêk ame kerdene. Bi hezaran kesan fotografê Rayberê Şarê Kurdî Abdullah Ocalanî akerdî û sloganî vatî.

Verê şaredarîye de rayraşîyayîş vurîya mîtîngî. Mîtîng de nameyê Mayanê Haştîye ser o Xedîce Efrînî qisey kerd û pare kerd ke wextê ci ameyo ke Abdullah Ocalan azad bibo. Xedîce vat: ''Ma do sey mayan sînoran birijnê û Rayberê xo azad bikerê.''

Endamê Meclîsê Kantonê Efrînî û Şehba Ehmed El Selemêyî zî bêvengîya vera tecrîdî şermezar kerd û vat: ''Ma do seba azadîya Rayber Apoyî tim meydanan de bibê.''