Tepişteyo nêweş Soydan Akay têkoşînê huqûqî ra dima 12ê gulane de, 32 serran ra dima vera dîyabi. Înfazê Soydanî çend reyî hetê Heyetê Çimdarîye û Îdareyî yê Zîndanî ra amebi vêşnayene. Avûkata Soydanî û Endama Komeleya Huqûqnasan a Seba Azadîye (OHD) Esra Bîlen derheqê babete de ANFyî rê qisey kerd.

Esra ard ziwan ke rewşa tepişteyanê nêweşan û heqê înan keyfê hêzanê asayîşî rê ameyê verdayene coka vurnayîşê qanûnê înfazî de ganî madeyê nê keyfîyetî wa wedarîyê.

Esra da zanayene ke çimeyanê biranê keyfî û bêhuqûqîyan ra yew zî birê Heyetanê Çimdarîye û Îdareyî yê Zîndanan o û vat: ‘’Nê heyetî 2005 de ronîyayî, 2021 de erkê înan ameyî zêdekerdene. 2021 de tepişteyê ke serranê 90an de tepişîyabî vera bidîyê la nê heyetan tehlîyeyî asteng kerdî. Nê heyetî eşkenê bire bidê û azadîya merdiman bi neheqî asteng bikerê.

Nê heyetî ganî bi temamî bêrê wedaritene. Mîyanê nê heyetan de dozgerî zî est bê, huqûqnasî zî est bê ancî hêzê asayîşî tede wayîrê vateyê xurtî yê. Mehkeme ra ber çew nêeşkeno azadîya tepişteyan ser o qerar bido.’’