“Bîya asinê adirgehî, adir kewto bedenê mi, ne helêna û ne zî mehêna.”

Na cumle ya mayêka Kobanêyije ya, ke qirkerdişê 25’ê Hezîran a 2015’î de di domanê aye û mêrdeyê ci bi destê çeteyanê DAÎŞ’î ameyî kiştene. Xora cumleya maye hale heme keyeyanê ke rastê qirkerdişî ameyê îzah kena.

Rast o, çar serrî serê qirkerdişî ra ravêrtî, la her serre na roje de na birîne reyna abena. Vanê şarê Kobanê rew rew çîyan xovîr ra nêkeno, do qewimîyayîşêkê bi nê hawayî senî xovîr ra bikerê. Loma zî her serre na roje de no bajar xemgîn beno û şîn yeno kerdene.

Dimayo ke Kobanê xelesîya, DAÎŞ û hetkarê ci, nêeşkayî hemverê binkewtişê xo de xo pêgêrê, waşt ke qesas bigêrê. Bi YPG û YPJ’yî zî nêeşkayêne, ameyî kerbê zereyê xo doman û kokiman ra vetî. E, heta dereceyêk înan kerd, la no înan rê nêmend, her kesî peynîya DAÎŞ’î Baxozê de dî ke şikîya, bi hawayêkê nimzî û şikiteyî xo teslîmê şerwananê QSD’yî kerd.

 Nê çeteyê ke weş xelesîyayê nika tepişte yê. Nêeşkenê şarê Kobanê ra bixelesîyê, çunke keyeyê şehîdan û şarê Kobanê wazenê ke nê çeteyî bajarê Kobanê de bêrê muhakemekerdene.

Kobanêyijî wazenê ke DAÎŞ’ijî verê çimanê înan de bêrê muhakemekerdene, çunke her keyeyî destê înan ra zirar, talan û kiştiş dîyo, naye ran ê xo rê sey heqêq vînenê.

Her çende dem şiro zî do tarîx vajo; nê bajarî neynikê grûbanê tewr tarî û barbaran şikitî û dinya tewr û xofê DAÎŞ’î ra xelesnaye.