Dewleta tirke ya îşxalkere ya ke Herêmanê Pawitişî yê Medya de vera gerîlayanê azadîye de bin kewte, vizêr şewe bi teyarayanê şerî merkezê binawanîye yê Kantonê Cizîre yê Rojawanî dabî bombayan ver.

Netîceya bombardumanî de bajarê Dêrikî de Îstasyonê Petrolî yê Seîda û îstasyonê ceyranî yê Bana Şikeftê xesar dî. Tirbesipîyê de zî Îstasyonê Petrolî yê Ewda netîceya bombardumanî de xizmetî ra vejîya coka tesîrê serê pompayanê gazî yê îstasyonê Swêdîyê ra ceyranê Tirbêsipîyê, Çilaxa û dewanê Dêrikî birîya.

Selahîyetdaran da zanayene ke pompayê gazî heta nika se ra 50 kapasîte xebitîyenê.

Hetê bînî ra dewleta tirke ya îşxalkere serê sibayî zî dewa Şeale û Xirbetê yê Şehba dayî bombayan ver.