Bombardumanê Zirganî de bîlanço bena giranêr
Hêrişê dewleta tirke ya îşxalkere yê vera Zirganî de hûmara sivîlanê ke dinyaya xo bedilnaye bîye 4.
Dewleta tirke ya îşxalkere 21ê kanûne de şan Zirgan dabi bombayan ver. Tewr tay 30 topî kewtî herême.
Hêriş de ke sivîlî hedef kerdbî, 3 kesan dinyaya xo bedilnabî, tewr tay zî 6 kesî birîndar bibîy.
Birîndaran ra Mihemed Xêr Elyano (58) ke Nêweşxaneyê Fermanî yê Qamişloyî de ameyêne dermankerdene ewro dinyaya xo bedilnaye.
Nameyê 3 kesanê ke dinyaya xo bedilnaye wina yê: Melekê Ehmed El Îd (30) û dadîya ci Fesle El Îd (60) û Salih Hemîd.
