Goreyê xebera ANHA'yî, şerwanê QSD’yî Baxoz de tayê cayê neweyî destê DAÎŞ’î ra xelisnayî. Se ra 90 herême DAÎŞ'î ra ameye pakkerdene û operasyonê seba xelisnayîşê temamê herême zî domnenê. Rayberê QSD’yî vat  ke, çeteyê DAÎŞ'î sîvîlan seba xo sey mertalî  bikar anê.

Fermandaranê QSD’yî  Dilşêr Hesekêyî yo ke cephe de ca gêno ard ziwan ke, bi temamî xelisnayîşê vakurê herême ra dima, tayê taxê binê zî ameyî xelisnayene. Hesekêyî da zanayene, çeteyî bi temamî ameyî pakkerdene û vat, “Çeteyê DAÎŞ'î seba xo wedarê û derbanê giranan şerwananê ma ra nêwerê, sîvîlan bikar anê.” Fermandarê QSD'yî vat, ê bi baldarî aver  şinê û zereyê çend rojan de do herême bi temamî DAÎŞ'î ra bixelisnê.