Cenazaya Arîf Ebdo Xelîlo ke dewa Meydankî ya qezaya Şera ya Efrînî de ciwîyayêne dewe ra 10 kîlometre dûrî de ameye dîyene. Xelîlo 80 serre yo ke dewa Qizilbaşî ra bi, hetê cergan ra ame remnayene.

Vervatoxê Rêxistina Heqanê Merdiman a Efrînî Îbrahîm Şêxo pare kerd ke wexto ke Arîf Xelîk amebi remnayene serê ci de 10 hezar dolar estbi. Şêxoyî da zanayene ke wexto ke cergan pere dizna Xelîl zî kişt û cenazaya ci eşte gola Meydankî.

Şêxoyî vat: ''Xelîl nêeşkîyayêne rayîrî ra şoro hende kokim bi. Îhtîmalê xokiştişî mumkîn nîyo. Cergan sivîlêko bîn qetil kerd û sûcê xo zêdînayî. Ma wazenê ke dezgehê mîyanneteweyîyî cergan ra hesab bipersê.''