Rêxistina Heqanê Merdiman a Efrînî derheqê kerdişan û barbarîya dewleta tirke û cerganê ci de eşkerayîyêke daye.

Rêxistine da zanayene ke cerganê Fesîleya Sultan Silêman Şahî (Elemşet) yê dewleta tirke Efrîn de 23ê adara 2020î de sivîlê bi nameyê Şahîn Latîf Bexdadî (53) remna ke babîyê 8 domanan bi. Ame parekerdene ke seba ke Bexdadîtî wextê Îdareyê Xoserî de wezîfeyê xopawitişî kerd ci rê îşkenceyo giran ame kerdene û çend rojan ra dima 3 sivîlan reyde ame remnayene Tirkîya. Goreyê rêxistine Latîf Bexdadî ame veradayene. La wexto ke agêra keyeyê xo cergan reyna o remna û bi îşkence qetil kerd. Cenazaya ci zî hema teslîmê keyeyî ci nêameye kerdene.

Hetê bînî ra Rêxistina Heqanê Merdiman pare kerd ke cerganê heman kome qezaya Şîyê de dest na 10 hezar zeytunêranê sivîlê bi nameyê Hec Arêfî.

Rêxistin îfade kerd ke cerganê Elemşetî sivîlê bi nameyê Semîr Hisê Koçer zî reman û bi fîdyeyê 10 hezar dolaran o vera da.