Vizêr şan Serêkanîyê û Efrîn de mabênê cerganê dewleta tirke de pêkewtiş qewimîya. Taxa Mahmûdîye ya Efrînî de ke di serran ra nata binê îşxalê dewleta tirke de ya, mabênê cerganê Cephe El Şamîye û Sultan Muradê pabesteyê 'Artêşa Mîllî' de pêkewtiş dest pêkerd. Pêkewtiş mudaxeleyê koma cergan a Ehrar El Şerqîye qedîya.

Vizêr saete 10:30 de kuçeyê Dêranî yê merkezê Serêkanîyê de mabênê cerganê Ketîbe Mustaîm û polîsanê leşkeran de pêkewtş vejîya. Ame zanayene ke pêkewtiş dima ke polîsan çend cergê Mutasimî tepiştî dest pêkerd.

Goreyê saeta herême vizêr saete 23:00 de taxanê Muhatta û Xiraba yê Serêkanîyê de mabênê cerganê EhrarŞarqîye û Hamzatî de pêkewtiş qewimîya. Pêkewtiş de hawan û çekê giranî ameyî xebitnayene û cergêkê Hamzatî merd.

Serêkanîyê de zî vizêr deqayanê peyênan ê şewe de pêkewtiş çetin bi û tay guleyî kewtî keyeyanê Serêkanîyê û Riha ser. Camîyan ra anons ame kerdene ke wa hemwelatîyî keyeyan ra mevejîyê.