Seba ke verê vîrusê Korona bêro girewtene xebitnayîşê maskeyan zaf girîng o û coka dinya de seba maskeyan talebêko pîl esto. Cinîyê ciwanî yê bajarekê Red Şakra yê qezaya Holî yê şaristanê Hesekê seba paştdayîşê şarî yê vera vîrusê Korona gamêka girînge eşte.

6 endamê Yewîya Cinîyan ê Ciwanan pê paştdayîşê Komîteya Sporî û Ciwanîye maskeyan virazenê û nê maskeyan bêpere vila kenê.

Îdarekaranê Yewîya Cinîyan ê Ciwanan a Herêma Cizîre ra Besma Mihemed îfade kerd ke ê kedkaranê weşîye û şarî rê maskeyan bêpere vila kenê. Besma da zanayene ke ê rojêke de 250 maskeyan virazenê. Besma veng da ke ganî vera vîrusî şar paştî bido yewbînan.