Cinîyê Efrînî yê herêma Şehba rêxistinîya xo xurt kenê. Na çarçewe de pê beşdarîya 17ê cinîyan ê ciwanan 1ê hezîrane de dewreyêkê perwerdeyî dest pêkerd. Beşdarî di hewteyan ra nata pê moral û coşêkê pîlî tewrê perwerdeyî bîyî.

Beşdaran ra Hêva Haşim qala cuya rojane ya dewre kerde û pare kerd ke semînerê înan bi giranî tarîx, komelê xoza û raştîya cinîyan ser o bîyî. Hêva bale ante şert û mercanê giranan ê koçberîye ser û îfade kerd ke la no cinîyan ê ciwanan asteng nêkeno û ê xo her hawayî de aver benê. Hêva vat: ''Rîyê her beşdare de eşq û heskerdişê seba zanayîşî û cuya raşte yenê dîyene.''

Zelîzan Osman zî ard ziwan ke perwerdeyê înan xoser bi û vat: ''Ganî her cinîye xoserîya xo nas bikera. Seba ke fikr û qerardarîya xo xurt bikera ez tewra perwerdeyî bîya.''