Cinîyê Efrînî yê ke 58 rojan xoverdayêkê tarîxî rê rayberîye kerde, mîyanê şer û mercanê zoran de vera hêrişan, bombardûmanan xo ver danê.

Cinîya bi nameyê Fatim a ke qezaya Şîyê ra koçber bîye û nika kampa Serdemî de ciwîyena bale ante şertanê koçberîye ser û vat: ''Ez nêzdîyê si serr ê ke kampe de ciwîyena. Siba ney bîr domanê mi vî bibê zî ma xoverdayîşê xo ra fek vera nêdê.''

Fatime ard ziwan ke cergê Erdoganî kewtî Efrînî û keyeyê kurdan talan kerdî. Fatime veng da ke ganî cergê dewleta tirke keyeyanê înan ra bivejîyê.

Cinîya bi nameyê Xanime Salîm Xalo zî pare kerd ke cergê Erdoganî mal û mulkê hemwelatîyê sivîlî talan kerdî. Xeloye da zanayene ke cergî zeytûnêran birnenê. Xanime vat: ''Ma Efrînê xo wazenê. Heta peynîye seba agêrayîşê Efrînî ma do xo ver bidê.''