Dewleta tirke û cergê ci yê ke Rojawan îşxal kerd bi rojan o ke bi hawayêkê bêmabênî dewanê Til Temîrî kenê hedef. Hêzê Pawitişî yê Haburî û Meclîsê Leşkerî yê Sûryanan pawitişê Til Temîrî kenê. Merkezê şaristanî de zî Hêzê Sotoro û Notoro, HPC/HPC-Cinî û hêzê Hawarî her roje vera hêrişan nobet de yê.

Cinîyanê Til Temîrî vera hêrişanê îşxalkeran keyeyanê xo de dest pê perwerdeyê çeke kerd. Perwerde hetê HPC/HPC-Cinî ra yeno dayene.

Dersê perwerdeyî serê sibayî dest pêkenê. Cinîyî şewe kuçeyan de nobet gênê û şarê xo pawenê.

Medya Mamo zî nê cinîyan ra yew a ke perwerdeyê xebitnayîşê çeke vînena. Medya vat: ''Ma do hêrişanê muhtemelan de erdê xo û şarê xo bipawê. Ma nêverdenê ke îşxalkerî bêrê erdê ma. Îşxalkerî awil cinîyan hedef kenê. Ma do heta peynî xo ver bidê.''

Farma Silêman zî vat: ''Cinîyî wayîrê ê hêzî yê ke erdê xo bipawê. Rojawan d ena rastîye vejîyaye werte. Cinîyan vera pêro hêrişanê DAÎŞî têkoşîn kerd û ser kewtî. Nika ma do cerganê dewleta tirke bin bikerê.''