Konferansê Ciwananê Rojakewtena Mîyanêne yo Dîyin, 20'ê Sibate de bi slogana “Bi rayberîya ciwanan ver bi Rojakewtena Mîyanên a zafrengin û demoktîke.” Merkezê Kultur û Hunerî yê Kobanê de do bêro viraştene. Zaf rêxistinê ciwanan seba konferansî ameyî dawetkerdene.

NÊZDÎYÊ 400 DELEGEYÎ DO TEWRÊ KONFERASÎ BIBÊ

Endama komîteya amadekare Êva Îsaye ard ziwan ke, temsîlkarê Têgêrayîşê Ciwanan ê Fîlîstînî, Ciwanê Tûnisî, Ciwanê Iraqî, Têgêrayîşê Wendekaran ê Lubnanî, Ciwanê Lîbyaye, Têgêrayîşê Ciwanan ê Ermenî û zaf têgêrayîşê ciwananê şoregerî ameyê dawetkerdene.

Însiyatîfê Ciwananê Rojakewtena Mîyanêne, SYPG, Partîya Mûxafazakar a Demokratîke, Konseya Neteweyî ya Erebî, Têgêrayîşê Ciwananê Erebî, MSD, Kooperatîfê Ciwanan û Yewîya Cinîyan ê Ciwan ra yeno pê.

Îsaye da zanaye ke, konferans bi beşdarbîyayîşê 350-400 delegeyan do bêro kerdene û 3 rojî do bidomno.

PDK’YÎ VERÊ CIWANAN GIREWT

Roja Dişemeyî 30 ciwanî Başûrê Kurdistanî ra seba ke tewrê konferansî bibê waşt şorê Kobanê, labelê PDK’yî verê înan girewt. Têgêrayîşê Ciwananê Şorişgêrî yê Sûrîye verê Berê Sînorî yê Sêmalka de eşkerayêk daye çapemenîye û astengkerdiş şermezar kerd.