Şarê Efrînî Xoverdayîşê Dewirî de 58 rojan vera îşxalê dewleta tirke û cerganê ci xo ver da. Şarê Efrînî yo ke neçare mend ke Efrînî ra koç bikero nika Şehba de kampan de vera şert û mercanê zoran xo ver dano.

Cinîyanê Efrînî yê ke Kampa Serdemî de manenê ANHA reyde qala xoverdayîşê xo û zor û zehmetîyanê xo kerde.

Esmahane Abdulkerîma ke qezaya Şîyê ya Efrînî ra ya vat: ''Tîya de ma sey yew keye yê. Ma yewbînan zîyaret kenê, pîya xebitîyenê. Ma do qet hêvîya xo ya agêrayîşê Efrînî vîn nêkerê. Çunke ê êrdî ê ma yê, ê îşxalkeran nîyo.

Cîhane Menana ke qezaya Mabata ra ameye Şehba vat: ''Ma îşxalê dewleta tirke ra koç kerd. Ma tîya d epîya vera zor û zehmetîyan têkoşîn kenê. Ma zanenê ke rojêke ma do abigêrê Efrîn.''

Dewa Qestel Muxtarî ra Mesna Hemdûş vat: ''Ma Efrîn de bi hawayêkê aramî ciwîyayêne, ma nêwaştêne uca terk bikerê. La îşxalkeranê tirkan ma de çare nêverdaye. Ma çend serrî wina biciwîyê zî ma zanenê ke ma do bi hawayêkê azadî abigêrê erdê xo.''