Vizêr vera hêrişanê îşxalî yê dewleta tirke Kobanê de nawnayîşî ameyî kerdene. Dadîyanê Kobanê derheqê hêrişan û gefanê îşxalî de ANFyî rê qisey kerd.

Dadîya Şehîd Çîyayî Emîne Yasîn îfade kerd ke dewleta tirke verê çimanê dinya de domananê înan kişena û vat: ''Ma her roje qirkerdişan de têrî manenê. Dadîyê şehîdan do cewabêkê xurtî bidê dewleta tirke. Ma do tim kuçeyan de bibê û xo ver bidê. Ma sayê şehîdan ra ser bikewê. Ez sey dadîyêke Erdoganî şermezar kena.''

Dadîya bi nameyê Edlê vat: ''Ma hêrişanê vera Rojawanî sey dadîyan şermezar kenê. Dewleta tirke her roje hêrişê herême kena. Wext wextê azadîye yo. Ma wurzê payan ser. Serkewtiş do bibo ê ma. Ma qetî teslîm nêbê û ma do tim gamanê pîlan bierzê.''