Merkezê Îrtîbatî û Çapemenîye yê QSDyî bi eşkerayîyêke da zanayene ke hêzanê înan ê taybetan bajarekê Bisêra ya Dêra Zorê de sercergêkê DAÎŞî tepişto.

Eşkerayîye de ame parekerdene ke 3yê êlule de sereştişan de sercerg Yehya Ehmed El Hecî (Ebû Bera El Hesen) tepişîyayo. No kes berpirsê fînansî yê cerganê Wîlayetê El Şamî û Heyet Qîyade El Eskerîye bi.

Wexto ke DAÎŞî Reqa û Dêra Zorê kontrol kerdêne Ebû Bera El Hesen hetkarê berpirsê fînansî yê Heyetê Malî yê DAÎŞî bi. Nê kesî karê fînansekerdişê cergan, plankerdişê hêrişan û amadekerdişê fînansekeran kerdêne.