Meclîsê Leşkerî yê Dêrazorî derheqê hêriş û qetlîamê Difa El-Weteni û grûbanê bînan ê ke pabesteyê hukmatê Şamî yê de eşekrayîya nuştekîye daye û nê pare kerdî:

"Sere de Difa El- Wetenî grûbê çekdarê ke pabesteyê hukmatê Şamî yê roja pancşemeyî vera sibayî vera Dêrazorî hêriş da destpêkerdene û kerd ke xo kiştê Çemê Firatî de ca bikerê. Hêrişê vera waranê sîvîlan de dewanê Dîban û Letwayê de 2 sîvîlî şehîd bîy û 5 kesî birîndar bîyî. Hêrişê vera Şihêlî de zî xeylêk hemwelatîyî birîndar bîyî.

Hêzanê Meclîsê Leşkerî yê Dêrazor û Meclîsê Leşkerî yê Hecînê cade cewab da hêrişê ke 400 kesan ra zafêrî tewrê ci bîyî. Pêkewtişanê giranan ê dormeyê dewanêLetewa, Dîban, Derec, Geranîc ûTeyana de berpirsîyarî zî tede 25 kesî ameyî kiştene û 10 kesî birîndar bîyî. Bado ke hêrişî ameyî peyserqeldayene hêzanê ma herêman de ê ke hêrişkaran waşt debikewê cigêrayîş kerd.

Operasyonanê vera hêrişî  2 şervanê ma şehîd bîyî 10 şervanê ma birîndar bîyî.

Şarê ma yê herême zî paştî daye hêzanê ma û tewrê xoverdayîşî bi. Heme eşîr û kabîleyî vera hêrişanî vejîyayî. Bi nê hêrişan ame waştene herême biçarîyo gola gonî bigêrîyo binê kontrolî. Hêzanê rejîmî û mîlîsan banê sîvîlan hedef girewtî.  Hêzanê rejîmî semedê qesasgirewtişê binkewtişê çeteyanê roja îneyî banê sîvîlan hedef girewtî û dewanê Dehla û Cedîdet Begara de di qirkerdişî kerdî. Nê hêrişan de zafê înan domanî 11 kesî şehîd bîyî û 5 sîvîlî birîndar bîyî.

Ma sey Meclîsê Leşkerî yê Dêrazorî keyeyanê şehîdanê xo rê serweşîye wazenê. Ma soz danê ke ma do bi heme hêzê xo şarê xo û herêma xo bipawê. Nê qirkerdişî do bêcwab memanê. Ma do heqê xo yê xopawitişî bişuxulnê ke cayê ci pêkerdişanê mîyanneteweyî de est o. Nê hêrişî xizmetê newera ganîbîyayîşê DAÎŞî kenê. Seba vera hêrişan paştî daye hêzanê ma heme şarê Dêrazorî, kabîle û eşîranê ci selam kenê, înan rê spas kenê.''