Merkezê Paştdayîşê Psîkolojîk û Perwerdeyî yê Kampa Ebû Xeşebî ya Dêrazorî de, ke hetê Rêxistenê Bîdaya yê Koordîneyê Meclîsê Sivîlî yê Dêrazorî ra ameyo ronayene, semedê paştdayîşê domanan xebatê muhîmî yenî viraştene.

Merkezo ke tede semedê domanan xebatê wendiş, nuştiş û paştdayîşê psîkolojîkî yenî kerdene heta nika 378 domanan ci rê muracat kerd.

Îdarekaranê Merkezê Paştdayîşê Psîkolojîk û Perwerdeyî ra Abdulcelil Ehmedî da zanayene ke ê semedê domanan çîyo ke dest ra yeno kenî û va: ‘‘Ma domanan goreyê rewşê ci abirnenî û perwerdeyo cîya û paştdayîşo pedagojîk danê ci. Reyna ma semedê keyfê domanan caardişî zî aktîvîteyanê cîya-cîyayan virazenî. Ma wazenê ke wa domanî şa bî û xo hol îfade bikerî.‘‘