Şarê Dêrikî yê Rojawanê Kurdîstanî tecrîd û cezayê dîsîplînî yê vera Rayberê Şarê Kurdî Abdullah Ocalanî bi rayraşîyayîşêkî şermezar kerdî.

Rayraşîyayîş de fotografê Rayberê Şarê Kurdî û pankarta ''Azadîya seba Rayber Apoyî'' ameyî akerdene.

Merkezê Têgêrayîşê Ciwananê Şorişgêran de raşrayîyayîş vurîya mîtîngêkî. Tîya de Hemserekê Meclîsê PYDyî yê Girkê Legê Îdrîs Ehmedî qisey kerd û qalê girîngîya felsefeya Rayberê Şarê Kurdî Abdullah Ocalanî kerd.

Ehmedî vat: ''Seba ke fikrê ey vila nêbê hêzê hegemonî Rayber Apoyî tecrîd kenê. Seba azadîya Rayber Apoyî ma do têkoşînî xurtêr bikerê.''

Endamê Meclîsê Til Koçerî Elî Ubeydî îfade kerd ke şarê herême vera tecrîdî qetî bêveng nêmano. Ubeydî bêvengîya dewletan a vera tecrîdî şermezar kerde.

Mîtîng bi slogananê sey ''Bê Serok Jiyan Nabe'' qedîya.