Hêrişê qirkeran û talankeranê dewleta Tirkî yê serê Vakur û Rojakewtena Sûrîye bêmabên dewam kenê. Artêşa Tirkî ya îşxalkare vizêr Kobanê kerde hedef. Dewijê ke kewtê mabênê dewa Ebû Sûra û bajarekê Çelebîyê, rîyê hêrişanê dewleta Tirkî ra neçar mendî ke keyeyanê xo biteriknê.

Dîmenê hemwelatijanê ke der û dorê dewanê bajarekê Çelebîyê rê koç kerdêne, hetê ANF'yî ra ameyî antene.

Dîrektora Pêroyî ya UNÎCEF'î Henrîetta Fore dabi zanayene  ke rîyê oprasyonê leşkerî yê dewleta Tirkî ra heta ewro 70 hezar domanî wareyê xo ra bîyî, tewr tay 4 domanî ameyî qetilkerdene û 9 domanî zî birîndar bîyî.