Dewa Til Weridî ya Til Temirî ya ke hedefanê serekan ê Dewleta Tirke ra ya ser o ham zî hêriş yeno kerdene.

Tewr peynî vizêr şan bi teyarayanê şerî û çekanê giranan dewa Til Weridî ser o bombayî ameyî varnayene. Çend rojan verê cû dewa Til Weridî ra keyeyêk bombavarnayîşê Dewleta Tirke de amebi qetilkerdene. Zaf keyeyî zî neçare mendî ke dewe veng bikê. Dewijanê Til Weridî ard ziwan ke verê cû dewe de aramî û weşîye estbî, şar şerî ra durî bi labelê Dewleta Tirke cerganê xo reyde hêrişê înan kerd û aramîya înan çin kerde. Dewijan pare kerd ke dewe de her çîyê înan estbî, hewceyê înan bi kesêkî çinbî bi aramîye ciwîyayêne la nika neçare mendî ke koç bikê. Dewijanê Til Weridî îfade kerd ke zalimî qet dı ser nêkewê û tim heqdarî do ser bikewê.