Dima ke Amerîka 6ê teşrîna verêne ya 2019î de hêzê xo Rojawanî ra apey antî destûr da ke dewleta tirke vera herême hêriş bikera. Dewleta tirke naye ra pey Serêkanîyê û Girê Sipî îşxal kerdî. Hêzanê Sûrîyay Demokratîke (QSD) vera nê hêrişanê îşxalî bi hawayêkê pîlî xo ver da. Şerê 9 rojan de QSDyî derbê pîlî dayî dewleta tirke û cerganê ci ro.

17ê teşrîna verêne ya 2019î de bi mabênçîya Amerîka adirbirnayîşê 5 rojan ame îmzakerdene. Dima zî Rûsya û dewleta tirke zî 22ê teşrîna verêne de adirbirnayîşêk îmza kerd. Goreyê adirbirnayîşî hêzê Rûsya do serê sînorî de biameyêne cakerdene. La goreyê peymane bire dîyaye ke Kobanê, Eyn Îsa û rojawanê Girê Sipî de hêzê hukmatê Şamî do bêrê cakerdene. Na peymana adirbirnayîşî di serrî nêkewte dewre û dewleta tirke ya îşxalkere û cerganê ci zî hêrişanê xo rê dewam kerd.

Dewleta tirke ya îşxalkere serra peyêne de 523 reyî hêrişê Eyn Îsa, Girê Sipî û rayîrê M4î kerd, 9 reyî teyarayê ci yê şerî herême ser o firayî û 233 reyî zî teyarayê ci yê keşfî firayî. Dewleta îşxalkere dewê Erîda, Zenûbiya, Bir Zinara Ereban û Bir Zinara Kurdan, Xirbit Beqir, Firîan, Hêmir, Qiz Elî, Leqleqo, depoyê genimî yê Qiz Elîyî yê Girê Sipî û dewê Dibis, Xalidiyê, Hoşan, Mialeq, Mişerfe, Cehbel, Fatsa, İmil Beremîl, Sigêro, Safawiyê, Seydayî yê Eyn Îsayî mîyanê serre de xeylêk reyî dayî bombayan ver.

Eyn Îsa bajarekê qezaya Girê Sipî yê şaristanê Reqa yo û herêmêka stratejîk a. No bajarek Reqa, Minbic û Til Temirî bestenê pê, rayîrê M4î tira derbaz beno û rayîrê Kobanê û Sirînî zî tira derbaz benê. Reyna na herême şaristanê Helebî bi Hesekê, Qamişlo û Til Temirî bi Berê Sînorî yê Iraqî pabesteno.

Dewleta tirke armanc kena ke pê hêrişan têkilîyanê nê cayan bibirna û Eyn Îsayî bi temamî kontrol bikera, dima zî Kobanê bigêra binê ablûqa.

Dewleta tirke ya îşxalkere hêrişanê vera Eyn Îsa û Girê Sipî rê dewam kena. Mîyanê serra peyêne de bi giranî hêrişê sivîlan, mal û mulkanê sivîlan kena. Dewleta îşxalkere armanc kena ke herême veng bikera û dima zî îşxal bikera.

Herişanê dewleta tirke ya îşxalkere de 2021 de 13 sivîlî ameyî qetilkerdene ke nînan ra 5ê ci doman bîyî. Nê hêrişan de 27 sivîlî zî birîndar bîyî ke 5ê ci doman bîyî.

Sivîlê ke 2021 de dewleta tirke qetil kerdî nê yê: Mecîd Îbrahîm El Ewîd (35), Ronî Bakûr Mihemmed (33), Ehmed Îbrahîm El Rehîm (12), Îmen Salih El Semea (21), Mihemmed Hîmedî El Mahmud Hîmedî El Xelîl (13), Zeyd Xelef El Îsa (54), Ziyad Zeyd Xelef (12), Hûda Zeyd Xelef (9), Mûna Zeyd Xelef (7), Malîk El Mîharîb El Hemîd (25), Eydan Hemed El Îmeyrî (40), Xemûs El Piseylî (17), Mihemmed El Xinês El Cerbû (35).

Sivîlê ke 2021 de dewleta tirke birîndar kerdî nê yê: Kusey El Hesen (23), Latif El Şedat (45), Fehet El Şewax (55), Ebilrehim Mihemmed El Hemed (12), Zehra Salih El Semea (18), Necîb Îbrahîm Hemîd (25), Emine Necib (7 mehî), Ezize Çixêdim (45), Mihemmed Hesen El Mihemmed (39), Evdilkerim Şeleş (47), Eziz Şewket Bozan (35), Sîdra Zeyd Xelef (yek salî), Xitam Hilal El Şehber (35), Mîzêr Îsmaîl El Îsa (25), Şiyar Îbrahîm El Îsa (23), Eyhem Omer Ehmed (25), Reşid Hesen El Xelef (11), Yasir Yusuf Heco (28), Zeynep Mihemmed El Şerif (30), Mihemmed Şerif El Ewed (83), Turfa Miryî Neşî (43), Mihemmed Feyz El Melfî (20), Hisên Mihemmed Ebid (20), Hafid Eli Nayîf (32), Mîmatî Ehmed Îbrahîm (28), Ebdilxenîn Mûsa El Debûl (21), Lokman Feysal Sûphî (20).