Serekwekîla Koma DEM Partî Gulîstane Kiliç Koçyîgît Meclîs de kombîyayîşê çapemenîye kerd û rojdem ercna. 

Ercnayîşê Gulîstane wina yê:

‘’Pêro şaredarê CHPyî ganî cade vera bidîyê. Nê operasyonê vera CHPyî îlegal ê. 

Meaşo asgarî çewî rê qîm nêkeno ganî meaşo asgarî bêro zêdekerdene. 

Numan Kurtulmuşo ke newe ra bîyo Serekê Meclîsî ganî seba ronîyayîşê komîsyonî mesuldarîye bigêro xo ser. Seba haştîye ma prosesêkê krîtîkî de yê. Meclîs nê prosesî de bi zelalî, ganî rol bigêro. Meclîs do bikewo tehtîl la komîsyon ganî cade bêro ronayene. Tehtîl de zî ganî komîsyon bixebito, pêro amadekarîyanê qanûnîyan bikero û seba averşîyayîşê prosesî mesuldarîye bigêro.

Ma wazenê ke pêro partîyî, rojnamegerî û kesê ke wazenê wa bieşkê Abdullah Ocalanî bivînê. Birêz Ocalan zî naye wazeno. Seba çareserîya meseleya kurdan ganî pêro beşê komelî bieşkê Ocalanî de qisey bikerê. 

Ma partîyanê sîyasîyan de pêvînayîşî kerdî. Nê pêroyînan zî vat ke ganî Meclîs de komîsyonêk bêro ronayene. Ganî Numan Kurtulmuş pêro partîyan zîyaret bikero û nînan dormeyê yew masa de bîyaro yewca.’’