Goreyê xebera ANHA kesê bi nameyê Seîd Reşîd dewa Mîrkanî ya qezaya Mabeta ya kantonê Efrînî de çend mengî verê cû hetê cerganê Anqara ra amebi remnayene. Reşîd dewa Etmana ya qezaya Raco ra bi.

Cergan seba veradayîşê Reşîdî keyeyê ci ra 20 mîlyon lîraya Sûrîya fîdye waşt. Cerganê ke fîdye girewt cenazeya Reşîdî eşte herêmêka mabênê dewanê Mîrkanî û Kaxire. Bedenê Reşîdî de rêçê derbî estbî.

Efrîno ke adara 2018î ra nata hetê dewleta tirke ra yeno îşxalkerdene bi cayê sucanê şerî. Remnayîşê merdiman, înfaz, îşkence, talankerdiş, koçberkerdiş hînî bîyî kerdişanê rojaneyan.