Çimeyanê herêmîyan da zanayene ke qezaya Racoyî ya Efrînî de paramîlîteranê dewleta tirke ya îşxalkere yê bi nameyê ''Polîsanê Leşkerîyan'' di kesî remnayî.

Elî Hesen (50) û kênaya ci Şîlîne Hesen (21) 26ê kanûne de wexto ke Helebî ra agêrayêne dewa Mîdana ya Racoyî de ameyî remnayene. Aqîbetê babî û kêna nêzanîyeno.

Dewleta tirke ya îşxalkere adara 2018î de Efrîn îşxal kerdbî. Goreyê pawitoxanê heqanê merdiman 4 serran de dewleta tirke ya îşxalkere Efrîn de 700 sivîlî qetil kerdî, 8 hezar û 500 kesî remnayî.