Goreyê agahîyanê ke çimeyanê herêmîyan dayê, cerganê 'Hemzat'î yê dewleta tirke ya îşxalkere 9ê êlule de dewa Kîmarê ya qezaya Şêrawa de kesê bi nameyê Mihemed Henan Hisên remnayo.

Aqîbetê Henan Hisênî nêzanîyeno.

Destpêkê êlule ra nata Efrîn de xeylêk kesî ameyî remnayene. 5ê êlule de zî MÎTî qezaya Racoyî de kesê bi nameyê Esmet Mihemed remnabi.

Dewleta tirke îşxalê Efrînî 2018î ra nata şaristan de terorî kena. Goreyê Rêxistina Heqanê Merdiman a Sûrîye-Efrînî dewleta tirke ya îşxalkere û cerganê ci tebaxe de 6ê ci cinîyî 62 kesî remnayî û cinîyan ra yewe raştê tecawuzî ameya. Goreyê raporanê rêxistine destpêkê 2023yî ra nata Efrîn de tewr tay 270 kesî ameyî remnayene.