Goreyê raporê Rêxistina Heqanê Merdiman a Efrîn-Sûrîye dewleta tirke ya îşxalkere menga êlule de Efrîn de dergûşêk û 6 cinîyî zî tede 59 kesî remnayî. Hetê bînî ra dewa Gubeka ya qezaya Mabata de cinîya bi nameyê Heyate Mihemed ameye kiştene û cenazaya ci ya dardekerde dewe de ameye dîyene.

Goreyê doneyanê peyênan a rêxistine Efrîn de 136 serebûtê xokiştişî zî qewimîyayî. Sebebê xokiştişan rewşa cuye ya bêasayîye û tecawuzê cerganê dewleta tirke yê. 

Rêxistina Heqanê Merdiman a Efrîn-Sûrîye da zanayene ke rêxistina amerîkayîje Helping Hand For Relief and Development-HHRD û Swasia Charity Foundation Efrîn de kolonyal awan kenê. 

Hetê bînî ra Efrîn de îşxalkerî zeytûneran birnenê û dest nanê baxçeyanê şarî ser. Rêxistine eşkera kerd ke êlule de 100 zeytûnêrî birîyayê û roşîyayê û bi desan hektarê daristanî zî ameyo vêşnayene.