Dewleta tirke vera tedaya peymana Soçî xo ver nêda û HTŞyî rê teklîf kerd ke xo fesh bikero û tewrê SMOyî bikero û emîrê înan binê pawitişê înan de bibê. HTŞyî teklîfê dewleta tirke red kerd û dewleta tirke cepheyê Halebî de HTŞ têna verda.
Sûrîye bi paştdayîşê Sûrîye û Îranî ver bi Îdlîbî şina û cerganê dewleta tirke çarçewa peymana Soçî de herême ra pakî kerdî. Hêzanê rejîmî vizêr zî rojawanê Halebî bi hawayêkê bêpêkewtişî cergan ra girewt.
Seba peymana Soçî nêameye caardene dewleta tirke di rojan ra nata Heyet Tehrîr El Şam ê El Nusrayî (HTŞ) reyde pêvînayîş kerdêne.
Dewleta tirke pêvînayîşan de HTŞyî ra waşt ke xo fesh bikero û tewrê Artêşa Mîllî ya Sûrîye (SMO) bibo. Bi nê hawayî Tirkîya bieşkayêne bahaneya Rûsya ya ''têkoşînê bi terorîstan' pûç bikera û madeya cîyakerdişê cergan a peymana Soçî biardêne ca. Dewleta tirke çarçea teklîfê xo de HTŞyî ra waşt ke şoro Efrîn de binê pawitişê Tirkîya de ca bigêro.
Ame eşkerakerdene ke HTŞyî û El Kaîdeyî waştişê Tirkîya qebul nêkerd û da zanayene ke ''Êyê ke wazenê eşkenê tewrê HTŞyî bibê.''
Çimeyê xebere ard ziwan ke semedê redê HTŞyî bêbawrîya bi Tirkîya yo. Çimeyî vat: ''Bagdadî binê pawitişê Tirkîya d emerd. Colanîyî û cergê ci eke Tirkîya ra bawer bikerê na bena şaşîtîye.''
Eşkerayîya HTŞyî ra verî zaf noqtayan de hêzanê çekdaran xo tepîya ant û nê noqtayî kewtî binê kontrolê rejîmê Sûrîye. Seba ke HTŞyî teklîfê Tirkîya qebul nêkerd Tirkîya cergê SMOyî nê noqtayan ra antî.
Heyetê Tirkîya Moskova de yo
Ewro heyetêkê Tirkîya do şoro Moskova û selahîyetdaranê Rûsya de derheqê babete de qisey bikero.
Dima ke peymana Soçî amebî îmzakerdene HTŞyî eşkerayîyêke dabi û vatbi ke ê pê peymana Soçî qayîl nîyê û îfade kerd ke dewleta tirke seba menfaatanê xo herême de têgêrena.
