Goreyê raporanê rêxistinanê heqanê merdiman dewleta ya îşxalkere û cerganê ci 8 menganê peyênan de Rojawanê Kurdîstanî de tewr tay 41 domanî qetil kerdê, 32 dımanî birîndar kerdê, vera 4 domana hêrişê cînsîyî kerdê, 9 domanî tepişrê û yewê ci dergûş 8 domanî remnayê.

Detayê sûcanê dewleta tirke yê vera domanan wina yê:

Herêma Cizîre: Domanêk/e birîndar bi/bîye, 3 domanî hêrişanê teqaberan de ameyî qetilkerdene, 2 domanî hêrişanê droneyanê çekdaran de ameyî qetilkerdene û 7 domanî zî bombardumanan de qetil bîyî û 6 domanî birîndar bîyî.

Herêma Minbicî: 4 domanî hêrişanê vera dewan de ameyî qetilkerdene.

Herêma Firatî: Domanêk/e hêrişê droneyê çekdarî de birîndar bi/bîye.

Herêma Reqa: Bombardumanan de 2 domanî ameyî qetilkerdene û 2 domanî zî birîndar bîyî.

Herêma Dêra Zorê: Teqayîşan de domanêk/e ame/ye qetilkerdene.

Herêma Efrîn-Şehba: Teqayîşan de 15 domanî ameyî qetilkerdene û 16 domanî birîndar bîyî. 4 domanî raştê tecawuzî ameyî. 9 domanî ameyî tepiştene. Domanêk/e pê îşkence ame/ye qetilkerdene û 6 domanî îşkenceyan de birîndar bîyî. Yewê ci dergûş 8 domanî ameyî remnayene. 6 domanî raşta raşte ameyî qetilkerdene.