Artêşa tirke ya îşxalkere û cergê ci serê sibayî ra nata dewa Qeremoxî û Zormixarî ya Kobanê dana bombayan ver. Bombarduman de ciwan Xelîl Bedr birîndar bi.

Dewleta tirke ya îşxalkere dewê Seyda, Mişêrfê, Cehbel, Fatsa, Hoşan, Dixêlîb û  Dibisî yê Eyn Îsayî pê obusan dayî bombayan ver.

Dewê Qirunfil, Xirbet Beqer, Bîr Zinar û Evdikoyî yê Girê Sipî dî dîyayî bombayan ver û serê Eyn Îsayî de teyarayê keşfî gêrenê.

Artêşa îşxalkere bi di topan dewa Cirnikî ya Amûdê, dewa Til Zîwanî û bajarekê Hîmoyî yê Qamişloyî, dewa sûryanîyan a bi nameyê Rûtalî ya Tirbêsipî, dewê Til Tewîl, Tewîla û Eboşî yê Til Temirî û merkezê Zirganî dayî bombayan ver.

Komîteya çalakîyan a herêma Firatî da zanayene ke hêrişanê dewleta tirke ra înan rayraşîyayîşê seba azadîya Rayberê Şarê Kurdî Abdullah Ocalanî taloq kerdo.