Wezîrîya Karanê Zereyî ya Tirkîya Komeleya Kulturê Karkeranê Koçberan (GÎK-DER) kerde hedef û derheqê beşdara Festîvala Parke ya Londonî de tehqîqat akerd. Festîvala Parke bi serran o paytextê Brîtanya London de yena kerdene la wezîrîye îdîa kerd ke eleqeyê na festîvale bi PKKyî est o. 

Derheqê 30 beşdaranê festîvale de bira destbendkerdişî dîyaye. Mîyanê nînan de doman û endamê koroyê cinîyan zî est ê.

GÎK-DERî tehqîqat sey ‘’aqilî ra dûrî yo’’ yo pênase kerd û do vera selahîyetdaranê tirkan dewa abikero.  Kombîyayîşê çapemenîye de Hemsereke Bedrîye Avcil û avûkat Mehmet Ovayoluyî vat ke ê do têkoşînê huqûqî bidê destpêkerdene. 

Beşdaranê festîvale zî vera tehqîqatî nêrazîbîyayîşê xo mojna. 

Federasyonê Elewîyan ê Brîtanya, Merkezê Komelê Kurdan, Konfederasyonê Heqanê Demokratîkan ê Ewropa û nuştox Alî Poyrazî zî vera nê xîretan seba têkoşînê hemparî veng da.