Dewleta tirke ya îşxalkere Rojnameger Egid Roj qetil kerd
Dewleta tirke ya îşxalkere Rojnameger Egîd Roj ke Awbendê Tişrînî de xeberî teqîp kerdêne, bi droneyê çekdarî hedef girewt û qetil kerd.
Dewleta tirke ya îşxalkere qetilkerdişê rojnamegeran de sînor nasnêkena. Dewleta tirke bi droneyê çekdarî hêrişê Awbendê Tişrînî kerd. Hêriş de Rojnameger Egîd Roj ame qetilkerdene.
Egîd Rojo ke efrînij o Awbendê Tişrînî de nobeta xoverdayîşî ya şarê Rojawanî de xeberî teqîp kerdêne.
Dewleta tirke ya îşxalkere cuwa ver zî Awbendê Tişrînî de rojnamegerî Nazim Daştan û Cihan Bilgin qetil kerdbî.
