Herêmanê îşxalkerdeyan de vera dewleta tirke ya îşxalkere çalakîyê protestoyî ameyî kerdene. Leşkeranê tirkan Ezaz de çalakîkerî dayî guleyan ver. Serebût de 1 domanî dinyaya xo bedilnaye, xeylêk kesî birîndar bîyî.
Herêmanê îşxalkerdeyan ê sey Cerablus, Ezaz, Îdlîb û Marê de vizêr şan vera dewleta tirke çalakîyê protestoyî ameyî kerdene. Çalakîkeran nêzdîbîyayîşê rejîmê Şamî û dewleta tirke şermezar kerdî, alaya tirkan vêşnaye û waşt ke wa dewleta tirke herême ra vejîya.
Ezaz de çalakîye de leşkeranê tirkan çalakîkerî dayî guleyan ver. Serebût de 1 domanî dinyaya xo bedilnaye, xeylêk kesî birîndar bîyî.
Ewro zî çalakîyî dewam kenê.
Îdlîb, Ezaz, Cerablus, Marê, Rayî, Bab, Soran û Serêkanîyê de zî herêmanê îşxalkerdeyan de bi sloganê 'Birijîyo Tirkîya, birijîyo rejîm' çalakîyî ameyî kerdene.
Hetê bînî ra ame parekerdene ke çalakîkerî wina veng danê ke wa pêro herêmanê îşxalkerdeyan de alaya tirkan bêra warardene.
Çalakîkeran nêverda konvoyê tirkan derbazê Ezazî bibê û înan dêsan ser o 'Birijîyo Tirkîya, birijîyo rejîm' nuşt.
