Dewleta Tirkî ya îşxalkare û grûbê aye yê çeteyî yê ke efrîn de yê derheqê fikranê DAÎŞ’î û el Nûsra de perwerde danê bi seyan kesanê ke zafaneyê înan doman ê.

 Artêşa Tirkî û çeteyê aye bi rayîrê nê perwerdeyan kenê ke nasname, kultur û bawerîya Kurdan raste ra wedarê. Çeteyo bi nameyê Şebab el Huda yê dewleta Tirkî binê nameyê perwerdeyê Îslamî de perwerdeyê îdeolojîkî yê çeteyanê DAÎŞ’î dano bi seyan kesan.

 Sivîlî Yenê Remnayene

Efrîn de hêrişê barbarî yê îşxalkaran ê hemverê sivîlan dewam kenê. Leşkeranê Tirkî yê îşxalkaran dewa Celemê ya qezaya Cindirisî de di sivîlî remnayî. Ame pêhesnayene ke sivîlê ke ameyê remnayene Elî Sûltan û lajê ê Mûstafa Elî yo ke eslê înan Ereb o.