Dewlete û çeteyanê Tirkî Tirbeya Şêx Hemîdî kerde xirabe
Dewleta Tirkî ya îşxalkare û çeteyanê ci, dewa Qestel Cindo ya ke girêdayîye qezaya Şera ya Efrînî ya de, hêrişê Tirbeya Şêx Hemîdî ya ke seba Êzîdîyan pîroz a kerd û tirbeye şanitê we.
Efrîn de, hêrişê leşker û çeteyanê dewleta tirkî dewam kenê.
Hêzanê dewleta Tirkî û çeteyê ke girêdayeyê ci yê, heta ewro xeylî cayê tarîxîyî kerdê xirabe. Çeteyan û hêzanê dewleta Tirkî, tewr peynî, hêrişê Tirbeya Şêx Hemîdî kerd û tirbeye rijnaye.
Tirbeya Şêx Hemîdî seba Êzîdîyan tirbeyêka pîroze ya.
Leşkeranê dewleta Tirkî û çeteyanê ci, îşxalkerdişê Efrînî ra heta ewro Tirbeya Şêx Berekatî ya Eyn Dara, Tirbeya Qere Cîrne ya dewa Meydankî û tirbeya Şêx Adîyî ya ke seba Êzîdîyan pîroz ê rijnayê.
