Konvoya Dewleta Tirkan û leşkeranê rûsan serê sibayê pancşemeyî Dirbêsîye ra ver bi dewa Şirîkî gore 15 km dest pê dewrîye kerd. Di teyarayanê rûsan zî dewrîye reyde gêrayêne.Dewrîye ya ke bi hawayêkê nimitkî dest pê turan kerdibî dewanê Bîrkenîse, Telik, Kerkend, Sîbêrka, Ber Kevirê, Til Kember, Til Kidêşî ra dima dewa Qermanî de vinderte. Şarî vera konvoye pê kerrayan nêrazîbîyayîşê xo mojna.

Panzerê tirkan ê dewrîye dewa Qermanî ra dima tepîya agêrayî sînorê xo ser. 12ê teşrîna peyêne de Dewleta Tirkan a îşxalkere û leşkeranê rûsan şarê Kobane yo ke konvoye protesto kerdêne ser o fîşekî varnabî û di rojnamegerî zî tede 8 kesî birîndar bibî. 8ê teşrîna peyêne de zî şarî vera konvoya tirkan û rûsan a ke Girkê Lege û Dêrikî yê Kantonê Qamişloyî de sey dewrîye gêrayene nêrazîbîyayîşê xo mojna. Heman roje hêzê tirkan bi nameyê Serxwebûn Alî sivîlêk kişt. Hêrişî de 5 kesî zî birîndar bibî.