Her kultur de tradîsyonêkê sey qanûnî est o. Kurdîstan de zî dadîyî gijikê domananê xo hema qijîya înan de nimnenê. 

Şaristanê Qamişloyî yê Rojawanê Kurdîstanî de zî hîkayeya balkêş a winayêne est a.

Gulîstane Elî Bekîr (Rûkene Elî Bekîr) û Ronahîye Elî Bekîr (Rûkene Elî Bekîr) wayê yewbînan ê. Mabênê înan de teyna di serrî est ê. Ê sey serra xo tim peyê yewbînan de, peyê raştîye de şinê.

Keyeyê Bekîran 1988 de Qirkerdişê Helebçe reyde têkoşînê azadîye şinasneno û tewrê têkoşînî beno. Gulîstane û Ronahîye zî qijîya xo de PKKyî şinasnenê û binê tesîrê ci de manenê.

Gulîstana ke bala xo dana ziwan, kultur û neteweya kurdan, dest pê perwerdeyê bi kurdkî kena. La tedaya rejîmê Baasî ra bi nimitkî perwerde dana domanan. Ronahîye zî dersanê waka xo de perwerdeyê ziwanî bena. Gulîstane 1993 de tewra gerîlayan bena.

Ronahîye zî bi perwerî dana rêçê waka xo ser û 1999 de dima ke Rayber Apoyî vînena tewra gerîlayan bena. Ronahîye sey waka xo wexto ke tewre bîya mûndîya xo qesnena û dana dadîya xo Hedla. Gulîstane 1996 de bena şehîd la seba ke hayîya Ronahîye pê ney çin bîya tim wazena koyan de waka xo bivîna. Ronahîye zî 3yê nîsana 2006î de Cûdî de seba ke nêkewa destê dişmenî xo ser de bomba teqnena û bena şehîd. 

Dadîye Hedla Bekîr mûndîyê Ronahîye û Gulîstane kerdê çarçewa û sey nîşaneya mîrasê têkoşînî dêsê xo ser de darde kerdî.