Goreyê xebera ANHA Komîteya Perwerdeyê Cimatî ya Demokratîke (KPC-D) ya Koordînasyonê Herêma Cizîrî zanistê Jîneolojî akademîyanê Vakurê Sûrîye ra kiriştî heme dibistanan.

Perwerdeyê Jîneolojî serra 2016î de reya verêne Efrîn de dima ra zî Kobanê de ame dayene. Herêma Cizîrî de bi sebebo ke wendakarî zaf  î û malimî tay î  perwerdeyê Jîneolojî kewtî erey.

XEYLÎ MALIMÎ AMEYÎ WAZÎFEDARKERDENE

Cinîyanê KPC-Dyî dibistananê Herêma Cizîrî de xeylî malimî wazîfedar kerdî. Malimanê ke kurdkî û erebkî perwerdeyê Jîneolojîyî dîyo nê dibistanan de perwerdeyî danî. Komîte bi paştdayîşê Akedemîya Jîneolojî hadreyîya vetişê kitabanê ziwanê sûryankî kena. 

MA HEDEFÊ KOMELÊKÊ BI EHLEQ Û AZADÎ KENÎ

Endama KPCDyî Nûpel Îzedîn Ehmede arde ziwan ke înan verê destpêkerdişê perwerdeyê Jîneolojî şarî de derheqê naye de qisey kerdo û bado zî no qerar girewto û va:‘‘ Ma wazenê ke nesilêko goreyê qeydanê ehleqî têgerêno  û azad o weye bikerî. Komelo azad bi camêrdo îqtîdarkar û cinîya koleye nîno ronayene.  Jîneolojî zî na mesela raşte ra wedarena.‘‘

DO PERWERDEYO SURYANKÎ ZÎ BÊRO DAYENE

Endama Akedemîya Jîneolojî  Şîlan Mihemede zî da zanayene ke nika ziwanê kurdkî û erebkî de perwerdeyê Jineolojî yeno dayene û seba ziwanê suryankî zî xebatê înan dewam kenî.

WENDEKARÎ: MA TARÎXÊ  RAŞTÎ  YÊ CINÎYAN MUSAYÎ

Wendekaran zî perwerdeyê Jîneolojî ra keyfweşîya xo arde ziwan û va: ‘‘Ma tarîxê raştî yê cinîyan bi Jîneolojî musayî. Ganî her kes nê perwerdeyî bivîno.

Komîteya Perwerdeyê Cimatî ya Demokratîke ya Cinîyan konferansê xo yê serra 2015î de qerarê perwerdeyê Jîneolojî girewtbi û dibistanan de sey qaydeyo verên ê perwerdeyî ca kerdbi.